Fara yfir á efnisvæði

Hekla hf innkallar Mitsubishi

08.11.2017

Vörumerki Mitsubishi

Neytendastofu hefur borist tilkynning frá Heklu um innkallanir Mitsubishi bifreiðum. Um er að ræða þrjár innkallanir:

Mitsubishi ASX árgerð 2011 til 2015
Þurrkumótor að framan.
Vatn getur komist í þurrkumótor og hann orðið óvirkur.
Viðgerð felst í því að skipt verður um þurrkumótor.
Á Íslandi er vitað um 14 ASX bifreiðar sem innköllunin á við um.

Mitsubishi ASX árgerð 2011 til 2015 og Pajero Sport árgerð 2009 til 2014
Pumpa á afturhlera.
Hætta er á að endastykki á pumpu fyrir afturhlera losni. Slys geta orðið á fólki ef endastykkið lendir á fólk og/eða ef afturhleri fellur skyndilega niður.
Viðgerð fellst í því að skipt verður um báðar pumpur á afturhlera.
Á Íslandi eru 14 ASX bifreiðar og 1 Pajero Sport sem innköllunina á við um.

Mitsubishi i-MiEV árgerð 2010 til 2013
Púðahylki fyrir loftpúða farþegamegin.
Ef árekstur verður og loftpúði blæs út, geta málmflísar úr púðahylki losnað og valdið meiðslum á farþegum. Viðgerð felur í sér að skipt verður um púðahylki. Einungis er um að ræða loftpúða frá framleiðendanum Takata og hefur galli aðeins komið fram í löndum þar sem raka- og hitastig er mjög hátt og er óþekktur í Evrópu. Á Íslandi er vitað um 23 bíla sem innköllunin á við um.

Eigendur viðkomandi bifreiða munu fá bréf vegna innköllunar á næstu dögum.

Neytendastofa hvetur bifreiðaeigendur til að fylgjast vel með hvort að verið sé að innkalla þeirra bifreiðar og hafa samband Heklu ef þeir eru í vafa.


TIL BAKA