Fara yfir á efnisvæði

IKEA innkallar ELGÅ FENSTAD rennihurð með spegli

23.09.2011

Fréttamynd

Neytendastofa vekur athygli á innköllun IKEA á ELGÅ FENSTAD rennihurðum með speglum frá framleiðanda nr. 12650.
IKEA hefur fengið tilkynningar um að spegillinn geti losnað af hurðinni og brotnað í beittar flísar. Spegillinn er þungur og það, auk hættunnar á að hann brotni, skapar slysahættu. Vitað er um eitt tilvik þar sem viðskiptavinur skar sig.

ELGÅ FENSTAD rennihurð með spegli er framleidd á þremur stöðum. Innköllunin á aðeins við um hurðir frá framleiðanda nr. 12650. Númer framleiðandans er prentað neðst á bakhlið hurðarinnar, á sama stað og stendur „Made in Sweden“.

Viðskiptavinir sem eiga ELGÅ skáp með FENSTAD rennihurð með spegli frá framleiðanda nr. 12650 eru beðnir að hafa samband við Þjónustuver IKEA í síma 520 2500 til að fá leiðbeiningar um hvernig á að bera sig að við að fá nýja hurð, þeim að kostnaðarlausu. Sjá nánar innköllun IKEA ásamt myndum.

Þetta á ekki við um aðrar IKEA rennihurðir.

TIL BAKA