Mikill verðmunur milli apóteka höfuðborgarsvæðisins á lausasölulyfjum

Í könnun sem Neytendastofa gerði á verði nokkurra lausasölulyfja kom í ljós að verðmunur er í einhverjum tilvikum allt að 50%. Könnunin var gerð á tímabilinu 26. febrúar – 10. mars s.l. þar sem borið var saman verð á tíu algengum lausasölulyfjum í 31 apóteki á höfuðborgarsvæðinu.

Algengur verðmunur á vörunum, þar sem þær voru ódýrastar og þar sem þær voru dýrastar, var um 30% en mestur var hann tæp 50%. Flestar vörur voru ódýrastar í Garðsapóteki en flestar voru þær dýrastar í Laugarnesapóteki eins og sjá má í töflunni hér að neðan:

Þess skal getið að ekki var tekið tillit til afslátta eða sérkjara.

Neytendastofa gerði skoðun á ástandi verðmerkinga í apótekum á sama tíma og verðkönnunin var gerð, sem leiddi í ljós að einungis níu apótek höfðu lausasölulyf verðmerkt. Nauðsynlegt er að vörur séu vel verðmerktar svo neytendur geti borið saman verð þeirra á milli apóteka og út frá því tekið ákvörðun um hvar þeir vilja versla. Því eins og niðurstöður þessarar könnunar sýna getur verðmunurinn verið töluverður.