Löggildingarstofa viðurkennir öryggisstjórnun SR-mjöl í Helguvík
06.03.2003
Þann 5.mars sl. gaf Löggildingarstofa út formlega viðurkenningu á öryggisstjórnun SR-mjöl hf í Helguvík. Verksmiðjan hefur starfað eftir öryggisstjórnunarkerfi í liðlega 2 ár og verið skoðað af faggiltri skoðunarstofu eftir skilgreindum verklagsreglum Löggildingarstofu. Hún hefur þó ekki lokið viðurkenningarferli að fullu fyrr en nú.
Ábyrgðarmaður öryggisstjórnunarkerfisins er Jón M. Halldórsson.
Verksmiðjan er þriðja iðjuverið til þess að hljóta viðurkenningu Löggildingarstofu, en hin eru ÍSAL og Sementsverksmiðjan. Öllum iðjuverum með háspennt raforkuvirki er skylt að koma sér viðurkenndu öryggisstjórnunarkerfi, en nú vinna fjölmörg iðjuver að innleiðingu slíks kerfis.