Fara yfir á efnisvæði
Fréttasafn

Fréttir og tilkynningar

15.2.2024

Merkingar auglýsinga á samfélagsmiðlum í mörgum tilvikum ófullnægjandi

Neytendastofa vill vekja athygli á fréttatilkynningu frá framkvæmdastjórn Evrópusambandsins um niðurstöður samræmdrar skoðunar á færslum áhrifavalda á samfélagsmiðlum. Verkefnið var unnið í samstarfi neytendayfirvalda í Evrópu og tók Neytendastofa þátt í verkefninu. Markmiðið var að sannreyna hvort áhrifavaldar merki auglýsingar eins og nauðsynlegt er samkvæmt neytendalöggjöf.
13.2.2024

Ákvörðun Neytendastofu staðfest

Neytendastofa tók ákvörðun um að Svens hafi brotið gegn auglýsingabanni á nikótínvörum með auglýsingum á samfélagsmiðlum og með merkingum á verslunum og bílum félagsins. Svens kærði ákvörðunina til áfrýjunarnefndar neytendamála sem nú hefur staðfest hana.
12.2.2024

Skilmálar unaðsvöruverslana

Neytendastofa hefur til skoðunar skilmála unaðsvöruverslana við fjarsölu. Stofnunin hefur nú lokið ákvörðun gagnvart tveimur fyrirtækjum þar sem skilmálar eru ekki í samræmi við lög. Stofnunin sendi athugasemdir til 11 fyrirtækja og óskaði skýringa eða athugasemda. Neytendastofa hefur lokið ákvörðun gagnvart verslunum Adam og Eva og Losti með fyrirmælum um að gera úrbætur á skilmálum sínum. Önnur mál eru enn til meðferðar.
19.1.2024

Fullyrðingar Fitness Sport ehf. um lyfjavirkni CBD snyrtivara

Neytendastofa hefur tekið ákvörðun um brot Fitness Sport ehf. vegna fullyrðinga félagsins um lyfjavirkni snyrtivara sem innihalda CBD og eru seldar hjá félaginu. Málið laut að fullyrðingum sem birtar voru á vefsíðu félagsins, fitnesssport.is.
19.1.2024

Fullyrðingar Ozon ehf. um lyfjavirkni CBD, CBN og CBG snyrtivara

Neytendastofa hefur tekið ákvörðun um brot Ozon ehf. vegna fullyrðinga um lyfjavirkni snyrtivara sem innihalda CBD, CBN og CBG og eru seldar hjá félaginu. Málið laut að fullyrðingum sem birtar voru á Facebook síðu félagsins og vefsíðum þess, hempliving.is og gottcbd.is.
28.12.2023

Skilmálar og upplýsingagjöf Icelandair

Neytendastofu bárust ábendingar vegna skilmála Icelandair um mætingarskyldu viðskiptavina (e. no-show). Af því tilefni óskaði Neytendastofa eftir skýringum og athugasemdum Icelandair um skilmála og upplýsingagjöf félagsins. Í bréfum Neytendastofu kom fram að ósamræmi virtist vera í skilmálum um heimild farþega til að nýta síðari fluglegg ef fyrri flugleggur er ekki nýttur, ásamt því að erfitt hafi verið að finna skilmálana á vefsíðu félagsins. Þá var ekki að sjá að skilmálarnir væru aðgengilegir á íslensku.
22.12.2023

Gleðileg jól

Mynd með frétt
Starfsfólk Neytendastofu óskar landsmönnum gleðilegra jóla og farsældar á nýju ári. Afgreiðslutími Neytendastofu er óbreyttur á milli jóla og nýárs.
22.12.2023

PayPal skuldbindur sig til að breyta skilmálum til þess að uppfylla kröfur ESB um neytendavernd

Í framhaldi af viðræðum við framkvæmdastjórn Evrópusambandsins og neytendayfirvöld hefur PayPal skuldbundið sig til að breyta skilmálum sínum, í þeim tilgangi að gera þá gagnsærri og auðskiljanlegri fyrir neytendur.
21.12.2023

Ólögmætar auglýsingar GS Búllunar á nikótínvörum, rafrettum og áfyllingum fyrir þær

Neytendastofa hefur tekið ákvörðun vegna auglýsinga GS Verslana ehf., rekstraraðila GS Búllunar, á nikótínvörum, rafrettum og áfyllingum fyrir þær. Í ákvörðuninni er fjallað um auglýsingar á samfélagsmiðlum félagsins, utan á verslun þess og á vefsíðunni gsbullan.is.
20.12.2023

Verslanir í miðbæ Reykjavíkur sektaðar fyrir verðmerkingar

Neytendastofa hefur sektað 11 fyrirtæki í miðbæ Reykjavíkur fyrir ófullnægjandi verðmerkingar.
15.12.2023

Fullyrðingar Arnarlax um sjálfbærni

Neytendastofa hefur tekið ákvörðun gagnvart Arnarlaxi vegna fullyrðinga um sjálfbærni í markaðssetningu og vörumerkjum félagsins. Í málinu er fjallað um fullyrðingar Arnarlax um sjálfbærni, umhverfisvæna framleiðslu o.fl. sem m.a. birtust á vefsíðu félagsins og í öðru auglýsinga- og kynningarefni þess.
13.12.2023

Áskriftarskilmálar Lifandi vísinda

Neytendastofu barst ábending frá neytanda vegna skilmála Lifandi vísinda um uppsögn. Af því tilefni óskaði Neytendastofa eftir skýringum Lifandi vísinda um samskipti og upplýsingar við sölu áskriftar.
21.11.2023

Íslenskuátak Neytendastofu

Mynd með frétt
Lilja Dögg Alfreðsdóttir, menningar- og viðskiptaráðherra og Neytendastofa undirrituðu í gær viljayfirlýsingu um að ráðast í átaksverkefni sem miðar að því að auka vitund fyrirtækja og almennings um íslenskuákvæði laga um eftirlit með viðskiptaháttum og markaðssetningu.
2.11.2023

Hagkaup sektað vegna Tax-free auglýsinga

Neytendastofa hefur sektað Hagkaup vegna auglýsinga um Tax-free afslætti félagsins. Var annars vegar um að ræða auglýsingu þar sem prósentuhlutfall verðlækkunarinnar var ekki kynnt neytendum og hins vegar auglýsingar þar sem prósentuhlutfall verðlækkunar var ekki kynnt neytendum með nægilega skýrum hætti.
25.10.2023

Ólögmætir skilmálar Sante.is

Neytendastofa hefur tekið ákvörðun um brot Santewines SAS, rekstraraðila vefsíðunnar sante.is, vegna ólögmætra skilmála um rétt neytenda til að falla frá samningi. Í skilmálum félagsins kom fram að ekki væri hægt að skila vörum gegn endurgreiðslu nema samkvæmt sérstöku samkomulagi þegar um væri að ræða kaup í miklu magni fyrir veislur eða þess háttar.
19.10.2023

Duldar auglýsingar Blush

Neytendastofa hefur tekið ákvarðanir gagnvart Blush, Pipar auglýsingastofu og Birnu Rún Eiríksdóttur vegna dulinna auglýsinga. Um var að ræða fasteignaauglýsingu fyrirsvarsmanns Blush þar sem vörum Blush hafði verið stillt upp. Umfjöllun um fasteignaauglýsinguna sem dreift var á Instagram og Tiktok og aðrar umfjallanir um vörur Blush á Instagram og Tiktok sem ekki voru merktar sem auglýsing.
17.10.2023

Áskorun til áhrifavalda og efnishöfunda

Markaðssetning á samfélagsmiðlum er orðinn stór hluti af stafrænu hagkerfi og er áætlað að alþjóðlegt virði hennar nemi 19,98 billjón Evra á þessu ári.
12.10.2023

Vefnámskeið um auglýsingar á samfélagsmiðlum

Neytendastofa vekur athygli á að þann 16. október n.k. verður boðið upp á stafræna kynningu á lagalegri miðstöð fyrir áhrifavalda (e. Influencer Legal Hub). Framkvæmdastjórn Evrópusambandsins stendur að verkefninu í samstarfi við sérfræðinga um málefnið. Tilgangurinn með þessu er að veita áhrifavöldum, auglýsendum, markaðs- og auglýsingastofum og fleirum á þessu sviði almenna aðstoð um hvernig hægt er að fylgja eftir neytendaverndarlögum innan ESB.
12.9.2023

Fullyrðingar Adotta CBD Reykjavík ehf. um lyfjavirkni CBD snyrtivara

Neytendastofa hefur tekið ákvörðun um brot Adotta CBD Reykjavík ehf. vegna fullyrðinga félagsins um lyfjavirkni snyrtivara sem innihalda CBD og eru seldar undir vörumerkinu „CBD RVK“. Málið laut bæði að fullyrðingum um lyfjavirkni snyrtivara sem auglýstar voru á útvarpsmiðlum RÚV sem og fullyrðingum er birtust á vefsíðu félagsins, cbdrvk.is.
11.9.2023

Áskriftarskilmálar bókaútgáfunnar Eddu

Neytendastofu barst ábending um skort á upplýsingum frá Eddu útgáfu um binditíma áskriftar við fjarsölu. Við athugun Neytendastofu voru gerðar ýmsar athugasemdir við upplýsingagjöfina og að staðfesting á samningi væri ekki send.
8.9.2023

Healing Iceland sektað vegna fullyrðinga um lyfjavirkni CBD snyrtivara

Neytendastofa hefur tekið ákvörðun um brot Healing Iceland ehf. vegna fullyrðinga félagsins um lyfjavirkni snyrtivara sem innihalda CBD og eru seldar á vefsíðu félagsins undir vörumerkinu „Sproti“.
7.9.2023

Sala hóffylliefnis með þjóðfána Íslendinga á umbúðum bönnuð

Neytendastofa hefur tekið ákvörðun gagnvart Líflandi ehf. vegna sölu á vörum þar sem umbúðir eru skreyttar broti úr íslenska fánanum. Um er að ræða vörur ISI-PACK sem m.a. framleiðir hóffylliefni fyrir hesta. Vörurnar eru framleiddar af hollensku félagi, erlendis úr erlendum hráefnum. Það var því álit Neytendastofu að um óheimila notkun á íslenska þjóðfánanum væri að ræða.
24.8.2023

Verslanir 66°Norður, Hagkaups, Herralagersins og Kulda í Skeifunni sektaðar

Neytendastofa gerði skoðun á ástandi verðmerkinga hjá verslunum í Skeifunni í lok maí s.l. Farið var í 45 verslanir og gerð athugun á hvort söluvörur væru verðmerktar auk þess sem skoðað var sérstaklega hvort verðmerkingar væru sýnilegar á útstillingum, t.d. í sýningargluggum. Í fyrri heimsóknum voru gerðar athugasemdir við 14 verslanir sem bæta þurftu verðmerkingar.
26.7.2023

Nýja Vínbúðin sektuð

Neytendastofa hefur lagt stjórnvaldssekt á rekstraraðila Nýju Vínbúðarinnar vegna brota gegn ákvörðun Neytendastofu.
25.7.2023

Ólögmætar auglýsingar Svens á nikótínvörum

Neytendastofa hefur tekið ákvörðun gegn Svens ehf. vegna auglýsinga á nikótínvörum. Í ákvörðuninni er annars vegar fjallað um auglýsingar framan á verslunum Svens og hins vegar auglýsingar sem voru birtar á samfélagsmiðlum.

Page 1 of 91

TIL BAKA