Fréttir eftir mánuðum

Neytendastofa bannaði Árna Stefáni Árnasyni alla notkun á léninu dyraverndarinn.is, orðmerkinu og myndmerkinu DÝRAVERNDARINN með ákvörðun sinni nr. 32/2016.

Neytendastofu hefur borist tilkynning frá BL ehf. varðandi innköllun á 15 Renault bifreiðum af gerðinni Trafic III , framleiðsluár 2014-2015. Í gæðaeftirliti Renault hefur komið ljós möguleiki á sprungumyndun á EGR röri í mengunarbúnaði á vél bifreiðar,

Neytendastofu hefur borist tilkynning frá BL ehf. varðandi innköllun á 5 Renault bifreiðum af gerðinni Megane IV, framleiðsluár 2016. Í gæðaeftirliti Renault hefur komið ljós möguleiki er á að boltar í sætislásum aftursæta losni upp, með möguleika á skrölthljóðum, víbríng eða aftengingu sætislása.

Neytendastofa hefur lagt sölu- og afhendingarbann á Hello Kittý mjúkdýr og Önnu og Elsu dúkkur í versluninni Extrakaup þar sem ekki er hægt að sýna fram á að leikföngin séu í lagi.

Neytendastofu hefur borist tilkynning frá Heklu hf um að innkalla þurfi Audi Q7 bifreiðar með 7 sætum, framleiddar frá janúar 2015 til júlí 2016. Ástæða innköllunar er sú að aftasta sætaröðin getur færst til við árekstur. Lagfæring felst í því að bæta styrkingu við öftustu sætaröðina.

Neytendastofa mun loka í dag mánudaginn 25. október klukkan 14:38 til að taka þátt í samstöðufundi á Austurvelli, kl 15:15. Við viljum vekja athygli á að bæði afgreiðsla og símsvörun er lokuð frá kl. 14:30.

Neytendastofu barst erindi Papco hf. þar sem kvartað var yfir markaðssetningu keppinautarins John Lindsay hf. á Andrex salernispappír. Taldi Papco að slagorðið „meira á hverri rúllu“ og merking á 12 rúllu umbúðum salernispappírsins með orðunum „3 rolls free“ væru villandi gagnvart neytendum. Þá taldi Papco að skjáauglýsingar John Lindsay væru villandi því þar kæmi ekki fram söluverð salernispappírsins.

Neytendastofu barst erindi frá bílaleigunni Route1 Car Rental ehf. þar sem kvartað var yfir notkun keppinautarins Go Green Car Rental ehf. á vefsíðunni www.rental1.is. Taldi Route1 Car Rental ehf. að ruglingshætta væri milli fyrirtækjanna og að Go Green Car Rental væri að nýta sér viðskiptavild fyrirtækisins.

Neytendastofu hefur borist tilkynning frá Toyota á Íslandi um innköllun á 25 Prius bifreiðum árgerð 2016. Innköllunin er vegna spennu sem vantar í tengingu á barka í stöðuhemli

Neytendastofu barst erindi frá ferðaþjónustufyrirtækinu Superjeep ehf. þar sem kvartað var yfir notkun keppinautarins Super Jeep Drive ehf. á orðunum Super Jeep í firmaheiti, lénaheiti og í vörumerki fyrirtækisins.

Neytendastofu barst erindi Íslandsbanka hf. og Kreditkorta þar sem kvartað var yfir markaðssetningu iKort ehf. á greiðslukortinu iKort. Töldu Íslandsbanki og Kreditkort að iKort hefði brotið gegn lögum með villandi og ósanngjörnum samanburðarauglýsingum.

Neytendastofu barst kvörtun frá Fasteignamiðlun Grafarvogs yfir notkun Fasteignasölunnar Grafarvogi á heiti sínu. Kvörtunin snéri að því að með notkuninni væri hætta á að neytendur rugluðust á fyrirtækjunum og teldu sig vera að leita til Fasteignamiðlunar Grafarvogs en hefðu í raun samband við Fasteignasöluna Grafarvogi.

Neytendastofa tók til meðferðar kvörtun Hollt og Gott yfir heiti vörunnar Spínatkál frá Lambhaga gróðrarstöð. Kvörtunin snéri að því að merkingar og auglýsingar vörunnar væru villandi þar sem ekki væri um spínat að ræða og því gæfi heitið villandi upplýsingar um vöruna.

Neytendastofu hefur borist tilkynning frá Toyota á Íslandi um innköllun á 27 Toyota Corolla bifreiðum árgerð 2002 og 2003. Innköllunin er vegna hliðaröryggispúða í ökumannssæti.

Í kjölfar ábendinga og kvartana frá neytendum tók Neytendastofa til meðferðar mál vegna símasölu DV á blaðaáskriftum. Neytendur kvörtuðu yfir því að þeim hafi verið boðin fríáskrift að DV

Neytendastofu hefur borist tilkynning frá BL ehf. varðandi innköllun á 8 Renault bifreiðum af gerðinni Kadjar, framleiðsluár 2015.

Neytendastofa hefur tekið ákvörðun um sölubann á CAKE skoteldum frá E-þjónustunni. Við prófun kom í ljós að þegar að skotkökur af þessari tegund voru prófaðar leið of langur tími frá því að kveikt var á kveikiþræði þar til að kveiknaði á skotkökunni.

Neytendastofa hefur lagt 500.000 kr. stjórnvaldssekt á verslunina Grillbúðin fyrir að auglýsa grill á afmælistilboði lengur en heimilt er. Grillbúðin bauð grillin á lækkuðu verði í a.m.k. 9 vikur. Þegar vara hefur verið auglýst á tilboði í sex vikur er ekki hægt að segja að hún sé á tilboðsverði.