Hekla innkallar Polo
20.08.2019
Neytendastofu hefur borist tilkynning frá Heklu hf. um að innkalla þurfi 2 Volkswagen Polo bifreiðar af árgerð 2015. Ástæða innköllunarinnar er að möguleiki er á að boltar í kambáshjóli geta losnað með þeim afleiðingum að kambáshjólið getur brotnað. Viðgerð felst í því að skipt verður um kambáshjól.
Viðkomandi bifreiðareigendum verður tilkynnt um innköllunina bréfleiðis.