Verðþróun á grænmeti og ávöxtum

Í kjölfar tollalækkana á grænmeti árið 2002 fylgdist Samkeppnisstofnun reglulega með verðlagi á grænmeti og ávöxtum. Um mitt síðasta ár fluttist eftirlit með neytendamálum frá Samkeppnisstofnun til Neytendastofu.

Hér eru birtar niðurstöður úr verðkönnun Neytendastofu á grænmeti og ávöxtum sem gerð var í sl. viku. Niðurstöður sýna að verð á ávöxtum og grænmeti er nú lægra en það var fyrir ári. Vísitala neysluverðs sýnir einnig lækkun á þessum vörum á sama tímabili.

Enn sem fyrr er mikill munur á lægsta og hæsta verði eftir verslunum og mikilvægt að neytendur átti sig á því.

Nánari upplýsingar veitir Kristín Færseth.