Tilboð á vefsíðu Beautybar.
Neytendastofa hefur bannað Ivi ehf., rekstraraðila Beautybar, að kynna lækkað verð á vefsíðu sinni án þess að verðlækkun væri raunveruleg. Í kjölfar ábendinga óskaði Neytendastofa eftir því að Beautybar sannaði að vörur hefðu verið seldar á fyrra verði. Í skýringum Beautybar kom fram að fyrra verð væri það verð sem vörurnar væru seldar á í verslun í Kringlunni.
Í ákvörðuninni kemur fram að Neytendastofa geri ekki athugasemdir við að kynnt sé lækkað verð á vefsíðu frá því verði sem vörurnar eru seldar á í verslun. Fyrirtæki verða samt sem áður að geta lagt fram gögn sem sanna að vörurnar séu á hærra verði í versluninni. Beautybar lagði ekki fram nægileg gögn og því var það niðurstaða Neytendastofu að ekki væri sýnt fram á raunverulega verðlækkun.
Ákvörðunina má lesa í heild sinni hér.