Fréttir og tilkynningar

Neytendastofu bárust kvartanir yfir vaxtabreytingum húsnæðislána Lífeyrissjóðs starfsmanna ríkisins og Lífeyrissjóðs verzlunarmanna. Af því tilefni óskaði Neytendastofa eftir afriti lánsskilmála hjá sjóðunum til þess að yfirfara hvort upplýsingaskylda laga væri uppfyllt og hvort vaxtabreytingarnar ættu sér stoð í samningum.

Neytendastofu barst kvörtun frá Símanum vegna fullyrðinga Sýnar um efnisveituna Stöð 2 Maraþon. Í fullyrðingunum kom fram að efnisveitan sé stærsta efnisveita landsins með íslensk sjónvarpsefni, bjóði upp á mesta úrval íslensk efnis og sé stærsta áskriftarveita landsins.

Lög um úrskurðaraðila á sviði neytendamála tóku gildi 1 janúar 2020. Neytendum er nú með lögum tryggt úrræði til þess að fá aðgang að skilvirkri og faglegri málsmeðferð utan dómsmála komi upp ágreiningur í viðskiptum þeirra við seljendur á vörum eða þjónustu.

Neytendastofa rýndi í skorkort neytendamála sem er fyrir ESB ríkin, Noreg og Ísland fyrir árið 2019 alls 30 ríkjum. En skorkortið er mælitæki sem notað er til að fylgjast með hvernig aðstæður neytenda eru í þessum löndum. Að þessu sinni var gerð könnun hjá bæði neytendum og seljendum á þremur meginþáttum: þekkingu og trausti, samhæfingu og eftirfylgni með lögum um vöruöryggi og neytendarétt, kvörtunum og úrlausn deilumála.

Neytendastofa fór í eftirlit hjá Póló söluturni, Bústaðarvegi sem selur rafrettur og áfyllingar í þær. Kom í ljós að innsigli var rofið á 146 tegundum áfyllinga fyrir rafrettur og nikótíni hafði verið bætt við. Neytendastofa taldi áfyllingarnar ekki öruggar, þar sem ekkert var vitað um innihald áfyllinganna og bannaði því sölu á þeim.

Neytendastofu hefur borist tilkynning frá Toyota á Íslandi ehf um að innkalla þurfi 261 Toyota Proace bifreiðar af árgerð 2016 - 2018.

Starfsfólk Neytendastofu óskar landsmönnum öllum gleðilegs nýs árs. Við viljum vekja athygli á að móttaka Neytendastofu verður lokuð þriðjudaginn 31. desember og 1. janúar 2020.

Neytendastofa vill vekja athygli á fréttatilkynningu frá framkvæmdarstjórn Evrópusambandsins um samkomulag sem gert hefur verið við Booking.com. Í tilkynningunni kemur fram að samkomulagið feli í sér að Booking.com muni fara að kröfum framkvæmdarstjórnarinnar og neytendayfirvalda í Evrópu

Neytendastofu hefur borist tilkynning frá Toyota á Íslandi ehf um að innkalla þurfi 261 Toyota Proace bifreiðar af árgerð 2016 - 2018. Um er að ræða fjölþætta innköllum sem snýr að mismunandi orsökum. Um er að ræða mögulegt slit í bremsuslöngu.

Starfsmenn Neytendastofu óska landsmönnum gleðilegra jóla. Afgreiðsla Neytendastofu er lokuð 23. og 24. desember.

Neytendastofa gerði athugasemdir við Tax Free auglýsingar Heimkaup sem birtust m.a. á facebook síðu Heimkaup í september s.l. Athugasemdirnar voru gerðar vegna stærðar og staðsetningar á prósentuhlutfalli afsláttarins.

Neytendastofa fór í eftirlitsferð í Laugarásvape sem er í eigu Famfam ehf. Kom í ljós að 38 tegundir áfyllinga fyrir rafrettur voru með rofin innsigli. Sýni voru send til rannsóknar og reyndust þau öll innhalda nikótín. Neytendastofa óskaði eftir skýringum og gögnum hjá Famfam sem sýndu fram á innihald allra áfyllingana.

Neytendastofu hefur borist tilkynning frá Danco, heildverslun, um innköllun á dúkku af gerðinni Cute Baby frá Toi Toy, vörunúmer 02090 vegna slysahættu. Ástæða innköllunar er að varan uppfyllir ekki öryggiskröfur sem gerðar eru til leikfanga

Neytendastofu barst kvörtun frá Pennanum yfir villandi útsöluauglýsingum Hirzlunnar. Kvörtunin snéri annars vegar að því að vörur hafi verið boðnar á útsölu lengur en í sex vikur og hins vegar að því að vörur hafi verið boðnar á rýmingarsölu en síðar verið til sölu á venjulegu verði.

Neytendastofa auglýsir eftir tilboðum í 10 stykki steypujárnlóð í nákvæmnisflokki M1, hvert um sig 200 kg. Lóðin seljast öll í einu, eða eftir samkomulagi og verða afhent kvörðuð, með óvissu upp á +/- 5,0 g.

Neytendastofa tók þátt í átaksverkefni á öryggi klifurbúnaðar í samstarfi við önnur eftirlitsstjórnvöld á EES svæðinu. skoðaði Neytendastofa öryggi klifurbúnaðar. Valdar voru fimm vörutegundir sem framleiddar eru sérstaklega til að nota við klifur þ.e. línur, hjálmar, karabínur, klifurbelti og álagsminnkandi útbúnaður

Neytendastofu hefur borist tilkynning frá Bílaumboðinu Öskju ehf um að innkalla þurfi 17 Mercedes-Benz bifreiðar af undirgerðinni E-class, sem framleiddar voru milli 29. september 2016 og 23. maí 2019.

Neytendastofu hefur borist tilkynning frá Bílaumboðinu Öskju ehf um að innkalla þurfi 25 Mersedes Benz Sprinter bifreiðar af ótilgreindum árgerð Ástæða innköllunarinnar er að möguleiki er á að boltar sem halda húddlæsingu séu ekki nægilega vel hertir. Viðgerð felst í yfirferð á herslu.

Neytendastofa tók ákvörðun gagnvart E-content í nóvember árið 2016 vegna kostnaðar félagsins af lánum sem það veitti neytendum. Með ákvörðuninni komst Neytendastofa að þeirri niðurstöðu að E-content ætti að fara með kaupverð rafbóka eins og kostnað þegar reiknaður væri út heildarlántökukostnaður og árleg hlutfallstala kostnaðar. Í ákvörðuninni var einnig talið að E-content hafi ekki fullnægt upplýsingaskyldu sinni. Neytendastofa lagði 2.400.000 kr. stjórnvaldssekt á félagið fyrir framangreind brot á lögum um neytendalán.

Neytendastofu barst kvörtun yfir notkun Aftur-nýtt á auðkenninu AFTUR. Taldi kvartandi notkunina brjóta gegn einkarétti sínum til auðkennisins.

Neytendastofu barst kvörtun frá Samtökum iðnaðarins um að neytendum væru veittar villandi upplýsingar af Modus hárstofu þar sem hún væri ekki rekin undir forstöðu meistara í hársnyrtiiðn eins og krafa er gerð um í iðnaðarlögum.

Neytendastofa hefur skoðað upplýsingar Íslandsbanka í tengslum við neytendalán bankans. Fólst skoðunin í því að yfirfara hvort annars vegar staðlað eyðublað sem afhenda á neytendum fyrir samningsgerð og hins vegar lánssamningur væru í samræmi við lög

Neytendastofu bárust ábendingar vegna færslna á Instagram síðu tveggja áhrifavalda þar sem fjallað var um margvíslegar vörur og þjónustu fyrirtækja án þess að það kæmi fram að um auglýsingu var að ræða

Neytendastofu barst kvörtun vegna fullyrðinga Innnes um að Extra tyggjó sé orðið betra fyrir tennurnar og tannheilsu en áður. Í svörum Innnes kom fram að umræddar fullyrðingar hafi ekki verið réttar og hafi ekki gefið fyllilega rétta mynd af umræddu Extra tyggjói og eiginleikum þess.

Neytendastofu hefur borist tilkynning frá BL ehf um að innkalla þurfi 55 Subaru XV bifreiðar af árgerð 2017 til 2019. Ástæða innköllunarinnar er að möguleiki er að útfelling sé sýnilega á bremsuslöngum bifreiðar að framan og aftan. Viðgerð felst í því að skipt verður umbremsuslöngur